Uluk nain ita sei hanoin fila fali ba istoria Suri Tuan nebe tama iha Suai. Tuir Suri Tuan nia istoria iha ema nain feto ida mai hosi rai Tolobebe iha Sulawesi neba. Nia mai para iha Laran Tuka, tamba sa mak ema fo naran Laran Tuka tamba liurai hotu-hotu mai tuka ou hanawa iha fatin ida nee.

Nain feto nee mai la para iha rai Suai maibe nia ba liu rai lorosae tamba iha Suai naton nee rai naran sei la iha, tamba nee mak nia ba liu rai lorosae neba. Bainhira nia fila nosi lorosae mai rai Suai ema tur nakonu hotu tian. Iha Suai nain Fatisin mak ukun nune nain Fatisin fo rai ida ba nia atu hela ba, maibe nia la metin hodi nune mak nia kuda nela Hali ida nebe nia fo naran Hali Mean ( Hali Sarin). Hali nee nia kuda nela ba renu Manekin atu hodi halo Lulik ho hana’i bainhira hetan susar ruma hanesan udan la mai ho buat seluk tan. Hali Mean (Hali Sarin) nee so nain Manekin dei mak kuda nela ba renu Manekin maibe nain selu-seluk la kuda hela Hali.

Nune Hali Mean (Hali Sarin) nee signifika katak atu fo kbit ou forsa ba ita ho mos atu fo mahon no namata ba ita.